M.Ben
“Narwariye rimwe na Anta” Bwa mbere Christian Lorenzo Musangamfura yavuze akarengane yakorewe kuri RadioTv10.
Umunyamakuru Lorenzo wamenyekanye cyane kuri Radiyo Rwanda yavuze ku karengane yakorewe kuri RadioTv10.
Uyu munyamakuru yavuze ko yasezerewe kuri RadioTv10 ubwo yari amaze iminsi irenga itanu arwaye.
Yavuze ko yasabye uruhushya rwo kujya mu bukwe mu ntara, ubwo hari ku wa gatandatu. Ageze mu nzira ajya mu Ntara yahise arwara bikomeye aho yaje kubimenyesha ku kazi gusa ntabwo babyemeye.
Ku wa mbere yagarutse i Kigali maze ajya kwivuza aho bamuhaye igipapuro cy’uko arwaye maze akijyana ku kazi banga kucyemera aho yahise ataha ajya iwe kugira ngo abanze acyire.
Bigeze ku wa Gatanu atangiye koroherwa, nibwo yabwiye umuyobozi we ko yorohewe gusa akimara kwandika ibyo nibwo yabonye ubutumwa bumwirukana.
Lorenzo avuga ko yakorewe akarengane kuko atari kuba yarirukanywe muri ubwo buryo.
