Myugariro w’ikipe y’igihugu Amavubi U23 yamaze gushyira umukono ku masezerano mu ikipe yo mu Cyiciro cya mbere i Burayi

Myugariro w’ikipe y’igihugu Amavubi U23, Dylan Georges Maes yasinyiye amasezerano y’umwaka umwe mu ikipe ya FS Jelgava yo muri Lativia mu majyepfo y’Uburayi.

Maes wavukiye mu Bubiligi, afite nyina w’Umunyarwanda, se w’Umubiligi, akaba yaraserukiye u Rwanda mu rwego rw’abaterengeje imyaka 20 na 23. Akaba yari asoje amasezerano muri Sloveniya mu ikipe ya NK Tolmin.

Yakiniye amakipe nka SK Beveren mu Bubiligi, Sintrense na Amadora yo muri Porutugali, Alki Oroklini muri Kupuro, na NK Tolmin muri Siloveniya.