Musanze: Umushoferi yagonze urutsinga maze abaturage bashatse kumwishyuza ahita azana umuhoro ashaka kubatema maze nabo birwanaho bamenagura ibirahure by’imodoka ye

Musanze: Umushoferi yagonze urutsinga maze abaturage bashatse kumwishyuza ahita azana umuhoro ashaka kubatema maze nabo birwanaho bamenagura ibirahure by’imodoka ye.

Mu kagari ka Garuka mu murenge wa Musanze ho mu karere ka Musanze, Abaturage bashwanye n’umushoferi bamena ikirahure cy’imodoka yari atwaye, nyuma yaho yari agonze urutsinga rujyana amashanyarazi mu rugo rw’umuturage.

Imodoka yo mu bwoko bwa Fuso yari ipakiye inka yagonze urutsinga rw’umuturage ni uko maze abaturage bashatse kumwishyuza ahita azana umuhoro ashaka kubatema.

Ubwo yamaraga kugonga urwo rutsinga, yahungishije imodoka ye gusa abaturage bahise basigarana umutandiboyi we ni uko maze uwo umushoferi agarukana umuhoro aje gutabara umukozi we.

Yagarutse akanga abaturage maze nabo mu kwirwanaho, bahise batoragura amabuye bayateragura imodoka ye bamena ibirahure.

Abaturage bemeza ko uwo umushoferi yazanye umuhoro mu gihe uwo mushoferi na we yabwiye BTN TV ko na we hari umugabo wamwirukankanye n’umuhoro.

Ubuyobozi bw’akagari ka Garuka bwaje guhosha ayo makimbirane, butegeka abamennye ikirahuri cy’imodoka kukishyura.