Musanze: Umugore yabyaye umwana ahita amukorera ibintu byababaza buri mu byeyi wese ubyumvise

Umugore w’imyaka 26 wo mu Kagari ka Kivumu, Umurenge wa Kimonyi Akarere ka Musanze, ari mu maboko y’Urwego rw’Igihugu rw’Ubugenzacyaha (RIB), aho akurikiranyweho icyaha cyo kwihekura, nyuma yo kubyara umwana akamujugunya mu cyobo.

Ayo makuru yamenyekanye ku wa Kabiri tariki 31 Ukwakira 2023, nyuma y’uko uwo mugore afashwe akaba yiyemerera ko ari we wataye umwana mu cyobo nyuma yo kumuniga.

Ni amakuru yatanzwe n’abubatsi, aho ubwo bari bageze ku kazi mu gitondo, basanze umurambo w’uruhinja mu cyobo kiri kuri iyo nyubako, bahita batabaza ubuyobozi.