Epaphrodite Nsengimana
Mu mukino w’umunsi wa 9 wa Shampiyona, Musanze FC yakiriye AS Kigali ubwo wari ugeze hagati, umunyezamu Kimenyi Yves yavunitse igufwa rizwi nk’Umurundi (Tibia) ndetse n’igufwa riba inyuma y’umurundi naryo ryagize ikibazo.
Ako kanya yahise ajyanwa mu bitaro bya Ruhengeri, ahava ajyanwa mu bitaro bya gisirikare i Kanombe arongera ajyanwa mu bitaro by’inkuru nziza biri I Gikundiro aho yabagiwe.
Abinyujije ku rukuta rwe rwa X, Munyakazi Sadate wayoboye Rayon Sports, yihanganishije Kimenyi Yves amwifuriza gukira vuba.
Ati “Nihanganishije Umunyabigwi, Umunyamupira, inshuti KIMENYIYves wabaye Umuzamu wa Rayon Sports n’Amavubi , wagize imvune y’akaguru ku munsi wa cyenda wa Shampiyona y’u Rwanda, twizere ko azamera neza. Imana imukomeze hamwe n’Umuryango we.”
