Social Mula
Ubuyobozi bwa Mukuru VS bwahagaritse umutoza wayo mukuru Ruremesha Emmanuel imikino ibiri, nkuko itangazo ryanyuze ku rukuta rwa Twitter rwiyi kipe ribyemeza.
Ubuyobozi Bukuru bwa MUKURA VSL bwahagaritse Umutoza mukuru RUREMESHA Emmanuel imikino 2. Umutoza wungirije Canisius NSIMIYIMANA niwe uza kuba atoza ikipe.
@huyedistrict @volcano_ltd @hyundairwanda— Mukura Victory Sports et Loisirs (@MukuraVS) December 21, 2021
Ibi bije nyuma yuko Mukura VS itsinzwe na Kiyovu Sport mu mukino w’umunsi wa cyenda wa shampiyona y’ikiciro cya mbere mu Rwanda ibitego 2-1 ku wa Gatandatu.
Mukura VS ihagaze ku mwanya wa cyenda ku rutonde rwa shampiyona n’amanota 10 yonyine nyuma y’imikino umunani imaze gukina.
Impamvu nyamukuru uyu mutoza yahagaritswe ntabwo irajya ahagaragara, ariko amakuru agera kuri Yegob ni uko ari uko ashobora kuba yaragize uruhare mu gutakaza umukino batsinzwe mo na Kiyovu Sport.
Ruremesha Emmanuel ntabwo azatoza Mukura VS imikino ibiri itaha, harimo uwo bazerekeza ku kibuga cya Gorilla FC ejo ku wa Gatatu n’umukino bafitanye na AS Kigali mu Cyumweru gitaha.
Ubuyobozi bw’ikipe bwemeje ko Canisius Nshimiyimana usanzwe ari umutoza wungirije ariwe urafata inshingano zo gutoza iyi kipe mu mikino ibiri itaha ya shampiyona y’ikiciro cya mbere mu Rwanda.
