Kubwayo Mc croix
Umusifuzi mpuzamahanga w’Umunyarwandakazi, Mukansanga Salima Rhadia, yagaragaye mu bifashishijwe muri tombola y’Igikombe cya Afurika cy’Abagore cya 2024. Iyi tombola yabereye i Salé muri Maroc ku wa Gatanu, tariki ya 22 Ugushyingo 2024.
Salima yari kumwe na Andile Dlamini, umunyezamu w’Ikipe y’Afurika y’Epfo yatwaye iri rushanwa mu 2022, na Fatiha Laassiri, wakiniye Maroc, ubu akaba ari umutoza n’umwarimu w’abatoza.
Iyi tombola yashyize amakipe mu matsinda atatu. Itsinda A rigizwe na Maroc, Zambia, Sénégal na Repubulika Iharanira Demokarasi ya Congo. Itsinda B ririmo Nigeria, Tunisia, Algérie na Botswana, naho Itsinda C kirimo Afurika y’Epfo, Ghana, Mali na Tanzania.
Igikombe cya Afurika cy’Abagore cya 2025 kizabera muri Maroc guhera tariki ya 5 kugeza ku ya 26 Nyakanga 2025, kikazitabirwa n’amakipe akomeye ku mugabane wa Afurika mu mupira w’amaguru w’abagore.
Amafoto
