Muhanga abana bavuye kuvoma basanga Ise yakubise Nyina ishoka yo mu mutwe nawe ahita yiyahura

Muhanga abana bavuye kuvoma basanga Ise yakubise Nyina ishoka yo mu mutwe nawe ahita yiyahura

Mu Mudugudu wa Cyarutare , Akagari ka Nyamirama mu Murenge wa Muhanga w’Akarere ka Muhanga, humvikanye inkuru y’akababaro ku bana  babiri ubwo batahaga bagasanga ababyeyi babo bapfuye.

Ku munsi wo ku cyumweru Saa moya n’iminota 20 nibwo urupfu rw’aba babyeyi rwamenyekanye.

Umuyobozi yagize ati ” urupfu rw’aba babyeyi twarumenye turubwiwe n’abana babo ubwo bari bavuye kuvoma bagasanga Nyina aryamye mu mbuga atwikirijwe amakoma, iruhande rwe hari ishoka bikekwa ko yicishijwe naho Ise amanitse mu mugozi mu ruganiriro (muri saro).

Ubuyobozi buvuga ko bikekwa ko uyu mugabo ariwe waba wishe umugore we akoresheje ishoka hanyuma nawe akiyahura. Imirambo yaba bombi yahise ijyanwa mu bitaro gukorerwaho isuzuma.

Aba babyeyi basize abana babiri umukobwa w’imyaka 18 n’umuhungu w’imyaka 14, ari nabo batanze amakuru ko ababyeyi babo bapfuye.