HARAGIRIMANA Dieudonne
Umusore w’imyaka 19 aragisha inama nyuma yo kuva gusura mama we afatwa n’ibintu atazi yita ko ari imyuka mibi.
Uyu atangaza ko yakuze atabana na mama we ariko ubwo yamusuraga bwa mbere yatangiye kumererwa nabi aho akeka ko ari amagini ; kuko bivugwa ko mu muryango wa mama we bibayo.
Yagize ati:“Mwaramutse, Mfite imyaka 19. Namenyanye na mama wanjye bwa mbere mu myaka ibiri ishize (narimfite 17), nahoraga mbaza papa impamvu ntabana na mama ntansubize, ngeze 17 nibwo papa yemeye kumpuza na mama. Nagiye gusura mama ntashye ngeze murugo ntangira gutitira intoki n’amaguru. Papa nibwo yanyicaje ambwira ukuntu iwabo wa mama haba imyuka mibi, akaba ariyo mpamvu atakomeje kubana na mama ahubwo yandeze njyenyine. Nagize ubwoba bwo gusubira gusura mama kandi mama ahora ampamagara ambaza impamvu ntamusura. Nkore iki?”
