Mu Rwanda: umurwayi arashinja umuganga kumukorakora ku myanya y’ibanga ye

Umurwayi wo mu karere ka Rutsiro yagejeje ikirego cye kuri RIB yo muri kariya karere ashinja umuganga kumukorakora ku myanya y’ibanga ubwo yamunyuzaga mu cyuma. Ni umuganga w’ibitaro bya Murunda biherere mu murenge wa Murunda mu karere ka Rutsiro, watangiye gukurikiranwa n’urwego rw’igihugu rw’ubugenzacyaha nyuma y’aho uyu mukobwa arugejejeho ikirego, amushinja kumukorakora igitsina.

Bivugwa ko iki cyaha cyakorezwe mu gihe yanyuzaga uyu mukobwa mu cyuma n’uyu muganga, amusuma uburwayi bw’imbere mu mubiri.

Dr Nkurunziza Jean Pierre yemereye Primo Media Rwanda dukesha iyi nkuru ko uyu muganga abereye umuyobozi ari mu maboko y’urwego rw’ubugenzacyaha.

Uyu muyobozi yagize ati: “Yarekaramaga (reclamer) y’uko nyine bamukoze ku myanya y’ibanga barimo bamusuzuma. Ni we waje arekalama, avuga uburyo bamusuzumyemo, abona bisa nk’aho hari ikindi byari bigamije. Ni umuganga ucisha abantu mu cyuma, yari agiye gufata ikizamini cyo guca mu cyuma, aramusuzuma.”