Mu Rwanda hagiye kubakwa indi sitade y’akatarabone izatwara amamiliyali

Umuyobozi w’Akarere ka Nyanza Ntazinda Erasme yemeje ko imirimo yo gutangira kubaka stade Olympic bemerewe na Perezida wa Repuburika y’u Rwanda, Kagame Paul igiye gutangira.

Iyi sitade izubakwa ku buso bwa hegitari 28 ahitwa i Mwima na Mushirarungu, aho byose bizatwara asaga Miliyari 146.

Ni mu gihe Sitade yonyine izatwara miliyari 60 ikazaba isakaye yose kandi ifite imyanya ibihumbi 20 yicarwamo.

Umushinga wo kubaka Sitade Olympic ya Nyanza, uzaba ugizwe n’ikibuga cyo gukiniraho kizaba gifite inzira zo gukiniramo kwiruka ku maguru, ikibuga cy’imyitozo ku mukino w’umupira w’amaguru, Gymnase ndetse hakazashyirwaho igice cyo gukiniramo imikino Gakondo nk’umuco Nyarwanda.

Iyi sitade, yahawe izina rya “Nyanza olympic Stadium” izubakwa i Mwima na Mushirarungu, ikaba izatwara Miliyari 146, aho izaba ifite imyanya yo kwicarwamo isaga ibihumbi 20.