Mu myambaro y’ikipe ya APR FC na Kiyovu Sports; Dore amafoto y’abahungu ba Anita Pendo watangaje ko biteguye gusinyira imwe muri aya makipe

Anita Pendo yatangaje ko hagati y’ikipe ya APR FC cyangwase Kiyovu Sports, ifite gahunda muri izi zombi yaza gusinyisha abahungu be ngo kuko bafite inyitozo ihagije.

Abinyujije ku rukuta rwe rwa Instagram, Anita Pendo yashyizeho amafoto y’abahungu be babiri bambaye imyambaro y’ikipe ya APR FC ndetse na Kiyovu Sports.

Maze ku ifoto aba bahungu be bambaye imyambaro y’ikipe ya Kiyovu Sports, Anita Pendo aherekezaho amagambo agira ati “Kiyovu Sports, muramutse muyafite hafi namwe twavugana da!”

Nanone kandi ku ifoto aba bana be bambaye imyambaro y’ikipe ya APR FC, Anita Pendo yagize ati “APR FC, mfite abakinnyi hano kandi umwitozo bakoze urahagije munyureho contract ni imyaka 2 gusa.” Aho hari ku ifoto bambaye imyenda y’iyi kipe.