Mu marira n’agahinda Esther yasezeweho bwa nyuma ,umugabo we ariza benshi

Kuri uyu wa kabiri tariki 21 Werurwe 2023 nibwo Esther Tuyishime Kayijamahe witabye Imana ku itariki 18 Werurwe 2023 yasezeweho bwa nyuma ,mu muhango waranzwe n’amarira n’agahinda ku nshuti n’abavandimwe babanye nawe.

Muri uyu muhango ubwo umugabo we yahabwaga ijambo yavuze ko azi neza ko umugore we ndetse n’umwana we bitabye Imana mu mezi akurikiranye barikumwe n’Imana ,bityo ko ibyo abyishimira ,ibyatumye asaba abari muri uwo muhango kumufasha guha Imana icyubahiro.

Umugabo wa Esther,  Ndatimana Francois usanzwe ari umucuranzi yakomeje avuga ko kimwe mu byamunezezaga ari ukubona umugore we arimo kuririmbira Imana ,ariko nawe arikumucurangira ,ibyo bikaba byatumaga ahora yifuza ko n’umwana wabo yazakorera Imana.

Mu batanze ubuhamya bagarutse cyane kukwitangira umurimo w’Imana Esther yagize mu gihe yari acyiriho ,ndetse bavuga ko yari azi kubana cyane .

Esther Tuyishime yitabye Imana ku itariki 18 Werurwe 2023 ,nyuma yo kumara igihe ari muri koma ,yagiyemo ubwo yabwirwaga ko yabyaye umwana agahita yitaba Imana ku itariki 14 Gashyantare 2023 .