Mu karere ka Kayonza imbwa yasaze yariye abana batatu

Mu karere ka Kayonza haravugwa inkuru y’imbwa bikekwa ko yasaze maze irya abana batatu bahise bajyanywa kuvurirwa mu bitaro bya Gahini .

Iyi mbwa yariye aba bana batatu mu mpera z’iki Cyumweru gishize mu Mudugudu wa Cyeru mu Kagari ka Kayonza mu Murenge wa Mukarange.

Nyuma y’aho iyi mbwa iriye abana kandi ikagenda isagarira buri wese, hashakishijwe nyirayo baramubura.

Ubuyobozi buvuga ko kuri ubu bagiye gushakisha imbwa zirirwa zizerera kugira ngo bazice ngo kuko inyinshi ntizigira ba nyirazo ngo kandi ntiwanizera ko zikingiye, bavuze ko ari igikorwa bazakora bafatanyije n’abo mu nzego z’umutekano.