Social Mula
Rutahizamu Mpuzamahanga ukomoka mu gihugu cya Mali, Moussa Camara yatakambiye ubuyobozi, abakinnyi n’abatoza ba Rayon Sports asaba imbabazi nyuma yo kugaragaza imyitwarire mibi maze arazihabwa.
Umwuka mubi hagati ya Haringingo Francis Christian n’umutoza Haringingo Francis Christian watangiye kuvugwa mu mpera z’umwaka ushize ariko byarushijeho kuba bibi ku wa Gatatu tariki 22 Gashyantare mu myitozo ya nyuma Rayon Sports yakoreye ku kibuga cyo mu Nzove yitegura Rutsiro FC.
Ubwo umutoza Haringingo wifuzaga gupima bwa nyuma ba rutahizamu be yagabanyijemo amakipe abiri ngo akine hagati yayo abone gukora amahitamo ya nyuma.
Ubwo yatoranyaga aya makipe, Camara yashyizwe mu ya kabiri kugira ngo atsinde iya mbere ahatanire umwanya wo kuzajya mu ikipe ya mbere izerekeza i Rubavu.
Ubwo yabonaga umutoza amushyize mu ikipe ya kabiri, yagize umujinya yereka umutoza ko atishimiye icyemezo cye maze yiyambura isengeri y’imyitozo ayikubita hasi mu kibuga imbere ya bagenzi be arasohoka ajya kwicara hanze.
Nyuma y’iyi myitwarire umutoza Haringingo Francis Christian yahise asaba ubuyobozi bwa Rayon Sports kumuha ibihano, akaba yari yahagaritswe igihe kitazwi.
Ku gicamunsi cy’ejo rutahizamu Moussa Camara yaratakambye asaba imbabazi abafana, abatoza, abakinnyi ndetse n’ubuyobozi avuga ko atazongera kugaragaza imyitwarire mibi maze ahita ahabwa imbabazi.
Ubu wasanga yazisabye mu magambo atanditse, ejo yakongera bamusezerera ngo yaremganye akarega, ibifaranga tukabyishyura Ari umurengera
Rwose imbabazi zirakwiriye, Congratulation kuwateye intambwe akicisha bugufi agasaba imbabazi( utazi ikimuhatse, asuzugura shebuja) kandi n’abatanze imbabazi Imana ibahe umugisha. Erega nta ho twagera iwacu mu muryango wa Rayon Sport nta mbabazi dusaba cg ngo tuzihane. Ahasuigaye umuco mu mucyo uturanga ni ukomere urambe maze ikipe tuzihabye. Harakaba ho Rayon Sport n’abakunzi bayo Bose kuko nta bafana ikigira mu Rwanda no Ku isi yose.