#Miss Rwanda 2021:Abakobwa bari muri iri rushanwa batangiye imyitozo ya nyuma.

Mu gihe habura amasaha make hakamenyekana uwegukanye ikamba rya Miss Rwanda 2021,Abakobwa bari mu iri rushanwa bakoze imyitozo ya nyuma.

Amatsiko ubu ni menshi ariko ejo tariki 20 Werurwe 2021, azarara ashize tumenye umukobwa uhiga abandi mu bwiza ubwenge n’umuco, uzambikwa ikamba rya Miss Rwanda 2021.

Mu gihe cy’ibyumweru bibiri bamaze mu mwiherero uri kubera i Nyamata mu Karere ka Busegera, bagiye bitoza bimwe mu byo bazerekana ku munsi wa nyuma w’irushanwa harimo nk’imbyino gakondo.

Imyitozo ya nyuma aba bari bakoze ni ukwiga intambuko no guhagarara neza mu gihe bari kwifotoza. Ibi babyigishijwe n’umwe mu banyamideli bakomeye mu Rwanda, Neza Rachel.

Ibirori byo gutanga ikamba rya Miss Rwanda 2021 bizatangira i saa moya z’umugore bikazerekanwa kuri televiziyo ya KC2 no kuri YouTube.

Byitezwe ko Akaliza Amanda, Ingabire Grace na Umutoniwase Sandrine bazerekana impano zabo ndetse uzahiga abandi muri aba batatu akazahembwa amafaranga miliyoni imwe n’ibihumbi 800.