Epaphrodite Nsengimana
Miss Nshuti Divine Muheto wabaye nyampinga w’u Rwanda mu mwaka w’2022, guhera tariki 19 Weyurwe 2023 agiye gukomezanya ikamba nk’umukoranabushake kubera ko muri uyu mwaka hatigeze hatorwa undi nyampinga.
Irushanwa rya Nyampinga w’u Rwanda rizwi nka Miss Rwanda ubisanzwe bizwi ko riba buri mwaka, gusa ariko muri 2023 ntabwo ryabaye kubera ibirego byavuzwe mu baritegura byanatumye umwe muri bo Ishimwe Dieudonne uzwi nka Prince Kid afungwa.
Nk’uko Kabasoni Alice ushinzwe iterambere ry’ubuhanzi mbonwa mu Nteko y’Umuco, Kabasoni Alice, aherutse kubitangariza radiyo BB Umwezi, yagize ati “Ni ukuvuga ngo umuterankunga, atera inkunga mu gihe cy’amezi 12, nyuma y’aho Miss nta bihembo yongera kubona kuko ibyo aba yaremerewe biri mu masezerano biba ari iby’umwaka umwe.”
Tariki 19 Weyurwe 2023 umwaka uzaba urangiye Miss Nshuti Divine Muheto yambitswe ikamba rya nyampinga w’u Rwanda. Bivuze ko azakomezanya iri kamba, akora nk’umukoranabushake kugeza muri 19 Weyurwe 2024 ubwo hazaba hatowe undi nyampinga.
