Miss Kayumba Darina n’umuhanzi E.T Ndahigwa bashobora kuzumva icyo abakunzi babo bari gusaba?

Igisonga cya kabiri cya Miss Rwanda 2022 , Kayumba Darina yasabwe n’abakunzi be kuba yajya mu rukundo n’umuhanzi E.T Ndahigwa ukora injyana ya Trap ,bavuga ko bombi baberanye .

Ibi ni ibitekerezo byatanzwe n’abantu bakurikiye ikiganiro Kayumba Darina  yakoranye na E.T Ndahigwa kitwa  Kigali Uncovered ,  aho babazanyaga ibibazo byibanda ku buzima bwabo bwite  ariko utabashije gusubiza ikibazo yabajijwe akarya ibyo bari bateguye ariko kandi ubusanzwe bitaribwa ku buryo biba bigoye ko hari uwakwifuza kubirya.

Ugiye ahatangirwa ibitekerezo (comments) ku kiganiro bakoranye kiri kuri youtube  usanga abantu batandukanye baragiye basaba aba bombi kuba bakundana , bamwe bakavuga ko baberanye ndetse banagira itsinda rikundana (couple) ryiza bagereranije n’uko bababona, ariko kandi abandi bakavuga ko urebye uko mu kiganiro bari kuganira bishoboka ko no mu busanzwe aba bombi bishoboka ko harimo akantu k’urukundo bahishanya.

Icyakora none muri iki kiganiro uyu musore yahishuriyemo ko nta mukunzi agira ,ibyatije umurindi abakurikiye ikiganiro babasaba kuba bakundana .

Kayumba Darina yabaye igisonga cya 2 cya Miss Rwanda 2022 , mu gihe umuhanzi E.T Ndahigwa akunze gukora injyana ya trap ,mu minsi yashize akaba yarashyize hanze indirimbo bita Cocunut