Miss Aurore Mutesi yavuze gahunda nyirizina yamujyanye muri Amerika anavuga akazi akora

Miss Aurore Kayibanda Mutesi wegukanye ikamba rya Miss Rwanda 2012 yavuze gahunda nyirizina yamujyanye muri Amerika anavuga akazi akora. Ni ku kiganiro Miss Aurore Mutesi yagiranye na 102.3 KISS FM aho yari yatumiwe nk’umutumirwa mu gitondo cyo kuri uyu wa 26 Kanama 2022.

Miss Aurore Mutesi yavuze ko yagiye muri Amerika agiye kwiga ibijyanye na Civil Engineering gusa ntabwo yigeze arangiza amashuri ye. Yongeyeho ko yahise akomereza mu bijyanye n’ubuzima kuri ubu akaba aribyo akoramo.

Nubwo Miss Aurore Mutesi yavuze ko atigeze arangiza amasomo ye mu bijyanye na Civil engineering ariko yavuze ko mu minsi iri imbere afite gahunda yo gusubukura amasomo ye muri civil engineering dore ko aribyo bintu akunda ndetse no mu mashuri yisumbuye yavuze ko yize ibijyanye n’ubwubatsi (construction).