Minisitiri ushinzwe ibigo by’imari iciriritse yasabye Guverinoma gushyiraho itegeko ryemera gukubita abakene n’abanebwe bari mu gihugu

Minisitiri ushinzwe ibigo by’imari iciriritse muri Uganda, Haruna Kasolo, yasabye guverinoma gushyiraho itegeko ryemera gukubita abakene n’abanebwe kugira ngo bige uko bashobora kwivana mu bukene.

Nk’uko inkuru ya Daily Monitor ibivuga, Kasolo yavuze ko Perezida Museveni hamwe n’ishyaka riri ku butegetsi bashyizeho ingamba zitandukanye zigamije kurwanya ubukene nyamara kugeza ubu abakene bakaba bakiri benshi.

Haruna Kasolo, ibi yabitangaje ubwo yagirana ibiganiro n’abanyamuryango b’ikigo cy’imari iciriritse (SACCO) kigiye gufungurwa ku mugaragaro mu karere ka Kayunga, abashishikariza kugira umuco wo kuzigama.