Marcus Rashford uri mu minsi ye y’ukwa buki yahawe igihembo

Marcus Rashford rutahizamu w’ikipe ya Manchester United yahawe igihembo cy’umukinnyi witwaye neza muri iyo kipe mu kwezi ku kuboza.
Marcus Rashford uri mu bihe bye byiza muri uyu mwaka w’imikino kuva watangira ndetse wahiriwe n’ukwezi Kwa 12 haba mu mikino y’igikombe cy’isi mu ikipe y’igihugu y’u Bwongereza ndetse no muri Manchester United aho ho ari guca ibintu.

Manchester United nayo yahaye agaciro ibikorwa bye maze imuha igihembo cy’umukinnyi witwaye neza mu kwa 12 ahigitse Casemiro na Luke Shaw bari bahanganye, Rashford mu kuboza yatsinze ibitego bitatu ndetse anatanga umupira ubyara igitego , kugeza ubu Rashford niwe mwataka umaze gutsinda ibitego byinshi i Burayi kuva imikino yagaruka ñyuma y’igikombe cy’isi aho amaze gutsinda ibitego 7 mu mikino 6.
Marcus Rashford kugeza ubu amaze gutsinda ibitego 15 atanga n’imipira ivamo ibitego itandatu kuva uyu mwaka w’imikino wa 2022- 2023 watangira.