Kubwayo Mc croix
Ikipe ya Manchester United irashaka gusinyisha Angel Gomes, umukinnyi wo hagati w’u Bwongereza w’imyaka 24, ku buntu mu mpeshyi itaha ubwo amasezerano ye muri Lille azaba arangiye. Gomes, wahoze akinira United, ashobora gusubira muri iyi kipe mu rwego rwo kongera imbaraga mu kibuga hagati.
Muri gahunda yo gukomeza kwiyubaka, United iriteguye guhangana na Real Madrid mu gushaka umukinnyi wa Atalanta, Ademola Lookman, w’imyaka 27. Uyu mukinnyi mpuzamahanga wa Nigeria, uri mu bihe byiza, ashobora kwerekezwa muri Old Trafford mu mpeshyi.
Byongeye kandi, United yamaze kuganira na Paris Saint-Germain ku bijyanye no kugerageza gusinyisha rutahizamu w’u Bufaransa, Randal Kolo Muani, ku bw’umwenda mu kwezi kwa mbere. Kolo Muani, ufite imyaka 25, ashobora kandi kwerekezwa muri West Ham cyangwa Newcastle, zose zikaba zimwifuza.
Ikipe ya Newcastle yo ntizaba ikiri gushaka myugariro wa Crystal Palace, Marc Guehi, kubera ko Sven Botman agiye kugaruka mu kibuga nyuma y’imvune. Ku rundi ruhande, Arsenal iri mu biganiro byo kongera amasezerano y’umukinnyi wo ku ruhande, Leandro Trossard, mu gihe Real Madrid yizeye kubona Alphonso Davies ku buntu avuye muri Bayern Munich.
Mu Bwongereza, Liverpool irakora ibishoboka byose ngo yongere amasezerano ya Mohamed Salah, Trent Alexander-Arnold na Virgil Van Dijk, mu gihe Manchester City itegereje icyemezo ku byaha 115 bashinjwa bijyanye n’amategeko y’imari y’Umupira w’Amaguru.
