THIERRY Mugiraneza
Ikipe ya Manchester United yasohoye urutonde ruvuguruye rw’abakinnyi izifashisha mu mikino ya Eufa Europa League.
Manchester United ni imwe mu makioe asigaye muri Europa League. Iri rushanwa riri nurangire mu cyumweru gutaha , amakipe atandukanye yatangiye kohereza intonde zivuguruye ziriho abakinnyi bashya bitewe n’sbo bongeyemo mu isoko ryo mu kwa mbere.
Manchester United ifite umusozi wo kurira kugira ngo izabashe kureba uko ya kwisubiza icyi gikombe iheruka gutwara muri 2017 itsinze ikipe ya Ajax.
United iratangira ikina na FC Barcelona mu mukino wa ¹/16 uzahuza izi kipe kuri 16 Gashyantare ukabera Camp Nou.
United rero yasohoye urutonde ruvuguruye rw’abakinnyi izifashisha. Uru rutonde rwavuyemo abakinnyi bagiye nka Cristiano Ronaldo wagiye muri Al Nassr, Martin Dubravak na Axel Tuanzebe basohotse. United kandi yongeyemo intizanyo yabonye muri uku kwa mbere barimo Jack Butland, Marcel Sabitzer na Wout Weghorst. Uru rutonde ntiruriho Mason Greenwood uheruka guhanagurwaho ibyaha yaregwaga.
Urutonde rwose rw’abakinnyi Manchester United izifashisha:
Abazamu : David De Gea, Jack Butland na Tom Heaton.
Ba myugariro: Diogo Dalot, Victor Lindelof, Harry Maguire, Tyrell Malacia, Lisandro Martinez, Luke Shaw, Raphael Varane na Aaron Wan-Bissaka.
Abakina hagati: Casemiro, Christian Eriksen, Bruno Fernandes, Fred, Scott McTominay, Marcel Sabitzer na Donny van de Beek.
Abataha izamu:Antony, Alejandro Garnacho, Anthony Martial, Facundo Pellistri, Marcus Rashford, Jadon Sancho na Wout Weghorst.
