THIERRY Mugiraneza
Ikipe ya Manchester United yatangaje icyemezo yafashe niba izajurira ikarita itukura yahawe Casemiro ikazatuma asiba imikino ine yose.
Ku Cyumweru nibwo ikipe ya Manchester United yari yakiriye ikipe ya Southampton, mu mukino w’umunsi wa 27 wa shampiyona.
Uwo mukino Manchester United ntiyahiriwe kuko yabuze amanota atatu yose , ivunikisha Alejandro Garnacho ndtese na Casemiro yerekwa ikarita y’umutuku.
Casemiro yahawe ikarita y’umutuku mu gice cya mbere azira gukandangira Carlos Alcaraz wa Southampton , umusifuzi Antony Taylor abanza kumuha ikarita y’umuhondo ariko nyuma amashusho ya VAR yemeza ko Casemiro agomba guhabwa umutuku.
Iyi karita itaravuzweho rumwe cyane cyane mu bafana ba Manchester United batekereza ko ikipe izajurira ikarita yahawe Casemiro ikaba yakurwaho , ariko itangazo Manchester United ya yanyujije ku rukuta rwayo yavuze ko yahisemo kutazajurira , bivuze ko Casemiro azahanwa imikino ine yose.
Casemiro iyo yari ikarita y’umutuku ya kabiri ahawe nyuma y’iyo yari yahawe ku mukino wa Crystal Palace, bivuze ko Casemiro azasiba imikino ine harimo umukino wa ⅛ muri FA Cup United izakina na Fulham ndetse n’indi mikino itatu ya shampiyona irimo uwa Newcastle United, Brentford na Everton.
