THIERRY Mugiraneza
Ikipe ya Manchester United yatangiye gushakisha umuzamu wazasimbura David de Gea nyuma y’uko ibiganiro byo kongera amasererano bitari kugenda neza
Ikipe ya Manchester United iri kugaragaza impinduka kuva aho umuhorandi Erik Ten Hag atangiye kuyitoza mu mpeshyi ya 2022.
Umwe mu bakinnyi bari gufasha Manchester United kwitwara neza cyane ni umuzamu wayo , Umunya-Espagne Davi de Gea.
Nubwo David de Gea ari umwe mu bakinnyi beza Manchester United iri kugenderaho ariko uyu mugabo w’imyaka 32 y’amavuko ageze mu mezi ye ya nyuma ku masererano afitanye na Man United.
Amakuru dukesha ikinyamakuru The Sun aravuga ko Manchester United yagerageje kuganira na David de Gea ngo azongera amasezerano ariko bakamusaba kugabanya umushahara ahabwa akaba yava ku bihumbi magana atatu na mirongo irindwi n’abitanu by’Amapawundi ( £ 375, 000)ahembwa ku cyumweru akajya ku bihumbi magana abiri na mirongo itanu ( £ 250, 000) ku cyumweru ariko De akabatera utwatsi.
Nyuma y’uko hajemo uko kutumvikana Manchester United yerekeje mu ikipe ya Leeds United ishaka yo umuzamu wayo Illan Meslier w’imyaka 22 y’amavuko. Manchester United isanga De Gea bananiranye ku mvikana bakazana Illan Meslier ndetse bakaba banagarura Dean Henderson bazafatanya bakaba abazamu bakubakirwaho by’igihe kirambye.
