Kubwayo Mc croix
Manchester United iri mu bihe bikomeye nyuma y’uko abakinnyi batanu b’ingenzi basabye kuva muri iyi kipe. Aba ni Marcus Rashford, Alejandro Garnacho, Jadon Sancho, Antony na Tyrell Malacia. Bose bamaze kumenyesha ubuyobozi ko bashaka guhindura amakipe kugira ngo babone umwanya uhagije wo gukina no gukomeza iterambere ryabo.
Rashford, umwana w’ikipe wakuriye muri United, ntiyishimiye kuba atagifite umwanya ukomeye mu ikipe nyuma y’uko umwambaro we nimero 10 wahawe undi mukinnyi, Matheus Cunha. Garnacho nawe ntiyanyuzwe n’uko yakinishijwe mu mikino yanyuma, bigatuma asaba amahirwe mashya. Sancho ari mu nzira yo kugana amakipe nka Juventus na Dortmund, ariko ibibazo by’imishahara bikomeza kumubangamira. Antony na Malacia bari mu bibazo by’imvune n’imishahara, bigatuma bashaka amahirwe mashya ahandi.
Manchester United yafashe umwanzuro wo gusubika imyitozo ya pre-season kugeza nyuma ya Nyakanga kugira ngo habeho umwanya wo gushaka ibisubizo. Aba bakinnyi bahabwa uburenganzira bwo gukorera ku giti cyabo.
Umutoza Ruben Amorim yashyizeho gahunda nshya, aho aba bakinnyi batazitabira imyitozo rusange. Iki gihe cy’impinduka kizagira ingaruka ku ikipe yifuza kwiyubaka no kongera kwegukana ibikombe.
