THIERRY Mugiraneza
Ikipe ya Manchester United ikomeje kubura abakinnyi umusubirizo kandi urugamba rwa shampiyona rugeze mu mahina.
Manchester United ikipe iri kugaragaza amahindura kuva aho Erik Ten Hag ayifatiye nk’umutoza mukuru kuva mu mpeshyi ishize. Manchester United ubu iri mu marushanwa yose yitabiriye uyu mwaka harimo FA Cup, Carabao Cup bari ku mukino wa nyuma, Europe League ndetse na Premier league ubu bari ku mwanya wa gatatu n’amanota 42.
Gusa iyi kipe iri kugenda ihura n’ibibazo byo kubura abakinnyi bayo ngenderwaho nka Casemiro uheruka guhabwa ikarita y’umutuku izatuma asiba imikino itatu ya shampiyona.
None mu kiganiro n’itangazamakuru kibanziriza umukino iyi kipe izakina na Leeds United , ejo saa yine z’ijoro, United ishaka insinzi yayo ya 14 yikurikiranya kuri Old Trafford.Ten Hag utoza
Manchester United yavuze ko iyo kipe izakina uwo mukino idafite abakinnyi bayo barimo umunya Brazil Antony, Anthony Martial ndetse na Scott Mc Tominay aba bose ngo bafite ibibazo by’imvune. Aba bakinnyi kandi baje biyongera kuri Donny Van de Beek na Christian Eriksen bagize ibibazo by’imvune.
