THIERRY Mugiraneza
Ikipe ya Manchester ikomeje kwerekana ko uyu mwaka ushobora kuba ari umwaka w’amahindura muri iyi kipe.
Manchester United yongeye kubishimangira mu ijoro rya keye ubwo yatsindaga ikipe ya West Ham United ibitego bitatu kuri kimwe mu mukino wa ⅛ muri FA Cup.
Ten Hag n’abahungu be bari bagarutse Old Trafford babanza kwerekana igikombe cya Carabao baherukaga gutwara ndetse banakira abakinnyi bayo barimo Casemiro na Mery Earps baherukaga gutwara ibihembo bya FIFA.
Saa Tatu na mirongo ine n’itanu umukino waje gutangira,maze Ten Hag wari wagerageje gukora impinduka mu bakinnyi asanzwe abanzamo kuko yari yabanje mu kibuga De Gea, Dalot, Maguire, Lindelof, Malacia, McTominay, Sabitzer, Antony, Bruno, Garnacho na Weghorst.
Igice cya mbere cyagoye amakipe yombi kuko nta kipe yabashije kureba mu izamu ry’indi.
Mu gice cya kabiri ibintu byaje guhinduka kuko West Ham United ku munota wa 54 Benharm yatsinze igitego cya mbere ahawe umupira na Emerson Palmeira.
Manchester United isigaye izwiho kudacika intege yaje gukomeza kwataka maze ku munota wa 70 Casemiro atsinda igitego n’umutwe ariko VAR iracyanga.
United yakomeje ikukuza , ku munota wa 77 ibona koroneli yatewe neza na Bruno Fernandes maze Aguerd wa west Ham aritsi da.
Nyuma y’uko Manchester United ibonye igitego cya mbere yakomeje yataka , ku munota wa 90 Alejandro Garnacho atsinda igitego ku ishoti yatereye mu rubuga rw’amahina.
Ku munota wa nyuma w’umukino Fred wari winjiye mu kibuga asimbuye yaje nawe gutsinda igitego cyabaye icya gatatu ubwo yari ahawe umupira na Wout Weghorst.
Umukino urangira United iwutsinze inabona itike ya ¼ mu gikombe cya FA aho uzakina na Fulham.
Tombora yose ya ¼ mu gikombe cya FA.
Manchester City v Burnley.
Manchester United v Fulham.
Brighton v Grimsby Town.
Sheffield United v Blackburn Rovers.
