Kubwayo Mc croix
Kuri uyu wa gatandatu ubwo ikipe ya Manchester City yatsindaga ikipe ya Brighton & Hove Albion muri shampiyona y’Ubwongereza Premier League ibitego 2-1, yahise yuzuza imikino 21 yikurikiranya itsindira kuri stade yayo Etihad ibi byayigize ikipe ya mbere yo mu Bwongereza ibashishe kuzuza imikino myinshi yikurikiranya itsindira kuri stade yayo.
Aka gahigo ikipe ya Manchester City yagakuyeho mukeba wayo Manchester United yo yatsinze imikino 20 yikurikiranya kuri stade yayo ya Old Trafford mu mwaka w’imikino wa 2010-2011.
Muri uyu mukino ikipe ya Manchester City yabifashijwemo na Julian Alvarez watsinze igitego ku munota wa 7 na Erling Braut Haaland watsinze igitego cya 2 cya Manchester City ku munota wa 19 ni mu gihe igitego kimwe cya Brighton cyatsinzwe na Ansu Fati ku munota wa 73 w’umukino. Manchester City yahise iyobora urutonde rwa shampiyona by’agateganyo aho mu mikino 9 ifite amanota 21.
