HARAGIRIMANA Dieudonne
Erling Haaland umukinnyi w’imyaka 22 ari kugenda ashyirwa mu makipe menshi, mu gihe yaba avuye muri iyi kipe yo mu Bwongereza.
Rafael Pimenta ushakira amakipe Erling Haaland yaburiye Manchester City, ahishura ko umukiriya we ashobora kwerekeza mu ikipe y’inzozi ze ya Real Madrid.
Real Madrid yavuzwe kuri Erling Haaland mbere y’uko yerekeza muri Manchester City, ndetse n’ubungubu niyo iyoboye andi makipe yo kuba yamwegukana mu gihe yaba avuye muri Manchester City.
Papa w’uyu mukinnyi yitangarije ko nyuma ya Man City na Bayern Munich, Real Madrid ariyo kipe ya 3 akunda mu buzima bwe.
Ku munsi w’ejo agirana ikiganiro n’itangazamakuru, Rafael Pimenta yerekanye ibimenyetso ko bishoboka cyane ko Haaland yakwerekeza muri Real Madrid, ndetse anasobanura ko nta yindi kipe yo mu Bwongereza imeze nka Real Madrid.
