THIERRY Mugiraneza
Tombora y’imikino ya kimwe cy’umunani 1/8 cy’irushanwa rya Champions League iteganyijwe kuzaba ku wa mbere w’icyumweru gitaha mu gihugu cy’Ubusuwisi byitezwe ko ikipe ya Liverpool ifite amahirwe menshi yo kuzatombora ikipe ya Bayern Munich.Muri iyi nkuru tugiye kugaruka kucyo wakwitega muri tombora ya Champions League.
Bitewe n’uko amakipe yagiye yitwara mu mikino yo mu matsinda amwe akaba aya mbere andi aya kabiri kuwa mbere w’icyumweru gitaha hateganyijwe tombora yuko amakipe azahura muri kimwe cy’umunani.
Ibyo wakwitega muri tombora ya 1\8:
-Imibare igaragaza ko ikipe ya Liverpool ifite amahirwe angana na mirongo ine ku ijana (40%) yo guhura na Bayern munich muri kimwe cy’umunani bitewe n’uko Liverpool yabaye iya kabiri mu itsinda yarimo naho Bayern Munich ikaba yarazamutse ari iya mbere.Usibye Bayern Munich na Liverpool hari n’amahirwe yo kuzahura na Real Madrid yayitsinze ku mukino wanyuma umwaka ushize.
– Ikindi cyo kwitega ni uko ikipe ya Inter Milan ifite amahirwe yo kuzatombora amakipe yo mu Bwongereza nka Chelsea,Manchester City cyangwa Tottenham bitewe n’uko yabaye aya mbere mu itsinda.
-Ikindi wakwitega ni uko ikipe ya Chelsea na Tottenham zishobora guhurira muri 1\8 na Borrusia Dortmund ndetse na RB Leipzig zo mu Budage.
Amakipe yabaye aya mbere mu matsinda:Napoli,Porto,Bayern Munich,Tottenham,Chelsea,Real Madrid,Manchester City na Benifica bisobanuye ko zidashobora gutomborana muri 1\8.
Amakipe yabaye aya kabiri mu matsinda:Liverpool,Club Brugge,Intel Milan,Eintracht Francfurt,AC Milan ,RB Leipzig ,Dotrmund na Paris Saint Germaine.
Itegeko rivuga ko nta kipe zahuriye mu itsinda rimwe zishobora gutomborana cyangwa ngo ikipe zituruka mu gihugu kimwe ngo zitomborane.
Real Madrid niyo yari yatwaye igikombe giheruka.
