Kubwayo Mc croix
Ku wa 26 Gicurasi 2025, mu mujyi wa Liverpool, imodoka yagonze imbaga y’abafana bari mu birori byo kwizihiza igikombe cya Premier League cya Liverpool FC. Iyi mpanuka yabereye ahitwa Water Street, ikomeretsa abantu 47 barimo abana bane, aho 27 bajyanywe kwa muganga, babiri barakomereka bikomeye.
Umushoferi w’imyaka 53 ukomoka mu karere ka Merseyside yahise atabwa muri yombi. Polisi ya Merseyside yatangaje ko iki gikorwa kitafitanye isano n’iterabwoba kandi cyari icyihariye.
Liverpool FC na Premier League bihanganishije abakomeretse, banashima ubutabazi bwihuse bwatanzwe n’inzego z’umutekano. Minisitiri w’Intebe w’u Bwongereza, Keir Starmer, n’abandi bayobozi bagaragaje agahinda n’inkunga kuri iyi mpanuka itunguranye.
Iperereza riracyakomeje, abaturage basabwe kwirinda gukwirakwiza amashusho cyangwa ibihuha bijyanye n’iki kibazo. Ibirori byari byitezweho ibyishimo byahindutse icyunamo.
