Lily wagaragaye yambaye hafi ubusa mu gitaramo yagejejwe mu nkiko

Umukobwa witwa Mugabekazi Liliane utuye mu kagari ka Kibaza, umurenge wa Kacyiru mu karere ka Gasabo, waciye ibintu mu gitaramo cy’umuhanzi Julien Bouadjie wamamaye nka Tayc cyabereye i Kigali muri Bk Arena yambaye mu buryo budasanzwe, yagejejwe mu rukiko rw’ibanze rwa Kicukiro kuri uyu wa 18 Kanama 2022.

Nkuko tubikesha ikinyamakuru bwiza, Ubushinjacyaha burega Mugabekazi wavutse mu 1998 icyaha cyo gukorera ibiterasoni mu ruhame, basobanura  ko uyu mukobwa Lily usanzwe yicururiza agasembuye ku Gisimenti, yagaragaye muri iki gitaramo yambaye mu buryo bugaragaza imyanya ye y’ibanga.

Bwiza kandi yavuze ko Ubushinjacyaha bwamusabiye kandi gufungwa iminsi 30 kugira ngo akurikiranweho icyaha ashinjwa cyo gukora ibiteye isoni mu ruhame.