Leroy Sane yahaye icyifuzo Bayern Munich cy’icyo yakorera Sadio Mane nyuma yo kumukubita

Umudage, Leroy Sane usanzwe ukinana na Sadio Mane muri Bayern Munich yagize icyo yisabira ubuyobozi bw’iyo kipe nyuma yo gukubitwa na Sadio Mane kuwa Kabiri.

Mu ijoro ryo kuwa Kabiri nibwo, Bayern Munich yatsinzwe na Manchester City ibitego bitatu ku busa mu mukino ubanza wa ¼ wa Champions League, muri uwo mukino nibwo Sadio Mane yakubise ingumi Leroy Sane akamukomeratsa.

Sadio Mane nyuma yo kurwana na Leroy Sane, ikipe ya Bayern Munich yamuhanishije kumuhagarika umukino umwe, bazahura na Hoffeneim mu mpera z’icyumweru ndetse banamuca amafaranga nubwo batarayatangaza.

Leroy Sane washwanye na Mane , ikinyamakuru Sky Germany cyatangaje ko yasabye ikipe ya Bayern Munich kutazahana Sadio Mane kugira ngo bitazazana umwuka mubi hagati yabo ndetse n’abandi bakinnyi.