Langwida ukina mu runana aravugwaho kugurisha inzu ya nyina no kurya indi mitungo ye none uyu mubyeyi yabuze aho gusazira

Langwida ukina mu runana aravugwaho kugurisha inzu ya nyina no kurya indi mitungo ye none uyu mubyeyi yabuze aho gusazira.

Nyina wa Langwida wo mu runana, Ancile Nyirabarera avuga ko umukobwa we yagurishije inzu ye.

Uyu Mukecuru icumbitse ku mukobwa we mu Karere ka Kamonyi avuga ko yagabiye umukobwa we, Nyirabagande Fridaus Dorcella uzwi nka Langwida inzu ni uko bumvikana ko azayigurisha uyu Mukecuru atakiriho gusa ngo Langwida yahise ayigurisha.

Uyu Mukecuru akomeza avuga ko yanagurishije indi mitungo ye harimo iyari iri mu Karere ka Bugesera.

Nyirabagande Fridaus Dorcella ushinjwa na Nyina kumurya imitungo, avuga ko yagurishije inzu bakagabana amafaranga ko ibindi Nyina avuga aba yabitegetswe na Barumuna be bashaka kumwicira izina.

Kuri ubu urubanza ruri mu nkiko gusa uyu Mukecuru yabuze amafaranga yo gukomeza kuburana.

Ancile Nyirabarera ari kuba ku mukwe we mu Karere ka Kamonyi ibintu avuga ko adashaka.