Kubwayo Mc croix
Kyle Walker, myugariro w’iburyo wa Manchester City n’ikipe y’igihugu y’u Bwongereza, yamenyesheje amakipe yo muri Saudi Arabia ko yifuza gukomeza gukina i Burayi.
Walker, w’imyaka 34, afite intego yo kugera ku mikino 100 akinira ikipe y’igihugu y’u Bwongereza, akaba amaze gukina 93. Yabonaga ko kujya muri shampiyona ya Saudi Arabia byagabanya amahirwe ye yo kugera kuri iyo ntego.
Mu gihe yifuza kuguma i Burayi, amakipe yo mu Butaliyani nka AC Milan na Inter Milan aramwifuza. Walker na we aratekereza ko gukina muri Serie A byamufasha gukomeza ku rwego rwo hejuru, ndetse no mu buzima bwe bwite, aho we n’umugore we, Annie Kilner, bateganya kwimukira mu Butaliyani mu rwego rwo gukomeza umubano wabo.
Nubwo hari amakipe yo muri Saudi Arabia yamuhaga umushahara munini, Walker yahisemo kuguma i Burayi kugira ngo akomeze guhatana ku rwego rwo hejuru no kugera ku ntego ze mu ikipe y’igihugu.
