HARAGIRIMANA Dieudonne
Miss Umuratwa Anita Kate uherutse kwegukana ikamba rya Miss Supranational Rwanda2021 yahishuye ko kwambara umwambaro wa Bikini ntakibazo abibonamo,avuga ko agiye kwerekeza muri Pologne mu minsi iri imbere.
Mu kiganiro uyu mukobwa w’imyaka 20 y’amavuko yagiranye na Chita Magic TV yatangiye avuga uburyo yishimiye igihembo yahawe ubwo yegukanaga ikamba rya Miss Supranational 2021.Avuga ko yari afite ubwoba bwo kuba atari kubona iri kamba ,yavuze ko kandi mu kwezi kwa Kanama uyu mwaka azerekeza muri Pologne aho azitabira irushanwa rya Miss Supranational ku rwego rw’isi ,avuga ko ikintu kingenzi kizamushimisha ari uguhura n’abandi bakobwa batandukanye akabigiraho byinshi.
Abajijwe niba kwambara bikini nta kibazo bizamutera, yavuze ko yiteguye kuzayambara nagera muri Pologne.
Ati:”Bikini ni kimwe mu bizaba bigize amarushanwa ,nanjye iyo ngiye muri Pisine ndayambara,mbona ntacyo bitwaye kuyambara.Nzayambara mpfa kutazambara imbangamiye”.
