Uwihirwe
Kumanywa y’ihangu Umusore witwa Ndereyimana yatawe muri yombi amaze kujombagura ibyuma umukobwa bari basohokanye bitegura no gukora ubukwe.
Mu Burundi mu mujyi wa Bujumbura muri Musaga Ku ibarabara rya 12 ku kabari kwitwa Ouagadougou bar, umusore witwa Ndereyimana Boris yatawe muri yombi amaze kujombagura ibyuma inkumi bakundanaga bivugwa ko bateganyaga no kurushinga. 
Nkuko bivugwa n’abahatuye , bavuga ko uwo musore yaje azanye n’uwo mukobwa mu modoka ya Taxi voiture bajya muri ako kabari kugirango bice icyaka.
Ubwo umukobwa yari ari kunywa fanta yahawe atarayigeza no mu gice, umusore yakuyemo icyuma aba afashe wa mukobwa arakimujombagura, umukobwa nibwo yavugije induru umusore aba ayabangiye ingata ariruka ariko abantu bari bari aho hafi bamufashe ntaho aragera, bahise bamushikiriza inzego z’umutekano. 
Umukobwa yahise ajyanwa kwa muganga kuko yari ari kuva cyane, umusore nawe yerekezwa kuri polisi gukorwaho iperereza, kugeza ubu nta muntu aramenya icyo bapfaga cyatuma umusore ashaka kumwica kandi bari bagiye kurushinga. 
