HARAGIRIMANA Dieudonne
Umugabo ufite imyaka 28 akaba yari amaze imyaka 5 yiruka ku kuba yagaragara neza ndetse nyuma y’uko atanze ibihumbi 25 by’amayero akaba arenga Miliyoni 25 z’amanyarwanda.
Dale Saint Cullen w’imyaka 28, yatangaje ko iyo yarebaga abantu basa neza ku mbuga nkoranyambaga aribo bagiye bakunzwe, byamusunikiye mu kujya gushaka gusa neza birangira atanze akayabo katagira ingano.
Mu gihe yagiye azenguruka ibihugu byinshi birimo nka Poland ndetse na Turkey ashaka kw’ibagisha isura, yatangaje ko abantu uko bari kose bagomba kwikunda ndetse bakemera uko bameze nubwo baba badasa neza bwose.
Dale yaragize ati:” Mfite imyaka 28 iyo narebaga abantu bamwe ku mbuga nkoranyambaga ari beza cyane, nibazaga uko bimeze gusa nasanze atariko baba basa mubyukuri mujye mwitondera ibyo mubona.”
Dale yatangaje ko ubundi yashakaga izuru rirerire ndetse akaba yanagira amatama mato kuko ubundi mbere yari afite amatama manini akaba yarababazwaga no kuba atagaragara neza ngo akurure abamureba.
Byatumye atanga arenga Miliyoni 25 z’amafaranga y’u Rwanda kugirango agaragare uko ashaka ndetse uko ashimishije.
