Koffi Olomide yanenze bikomeye cyane ikipe yo muri Congo yanze kwambara Visit Rwanda

Umuhanzi w’ikirangirire muri Repubulika Iharanira Demokarasi ya Congo, Koffi Olomide, yagaragaje ko atemeranya n’icyemezo TP Mazembe yafashe cyo kutambara imyambaro yanditseho “Visit Rwanda” kandi ari umuterankunga w’Irushanwa rya African Football League.

TP Mazembe ni imwe mu makipe umunani y’ibihangange muri Afurika ari gukina iri rushanwa ribaye bwa mbere, aho ryatangirijwe muri Tanzania ku wa 20 Ukwakira 2023.

Iyi kipe yo muri Repubulika Iharanira Demokarasi ya Congo yakiriye umukino wayo ubanza wa ¼ muri Tanzania ku Cyumweru, tariki ya 22 Ukwakira, ndetse ihatsindira Espérance de Tunis igitego 1-0.