Geovanis
Kizz Daniel wari umaze amasaha hafi arindwi atawe muri yombi na Polisi ya Tanzania, yarekuwe ahita asaba ko yashakirwa uko agera mu Rwanda aho afite igitaramo ku wa 13 Kanama 2022.
Mu mashusho agaragara ku mbuga nkoranyambaga zo muri Tanzania, agaragaza Kizz Daniel wari umaze kurekurwa ajyanwe na Harmonize wagiye kumufata kuri Polisi.
Yegob yamenye y’uko Kizz Daniel kuva yatabwa muri yombi yatangiye gusaba abamutumiye mu Rwanda kwitegura kumwakira kuko atakomeza kuguma muri Tanzania.
Uwaduhaye amakuru yagize ati “Ubu turi gushaka indege yihuse imuzana, iyo tubona hafi niyo imuzana kuko ntashaka gutinda muri Tanzania.”
Kizz Daniel yatawe muri yombi akurikiranyweho kwanga kuririmba mu gitaramo yari yatumiwemo muri Tanzania.
