Kiyovu Sports igiye gutangaza abafana bayo bafatiwe ibihano

Ubuyobozi bw’ikipe ya Kiyovu Sports bwatangaje ko mu minsi ya vuba buraba butangaje amazina  y’abahanwe n’ibihano bahawe , ku myitwarire idahwitse y’abaranze ku mukino wahuje Kiyovu Sports na Gasogi United ku itariki 20 Mutarama 2023.

Ubuyobozi bwa Kiyovu Sports mu butumwa banyujije ku rubuga rwa twitter yabo bagize bati:” Nyuma y’umukino wahuje Gasogi United na Kiyovu sports wabereye i Nyamata, tariki ya 20 Mutarama 2023 saa 15:30 PM, hari ibitaragenze neza aho bamwe mubafana ba Kiyovu sports basagarariye umusifuzi Mukansanga Salima abwirwa amagambo atari meza”

Bakomeza bagira bati:” Ubuyobozi bw’ikipe ya kiyovu sport bwakoranye inama na Komite iyobora Fan Clubs busaba kumenyekanisha bamwe mu bafana babigizemo uruhare kugirango babihanirwe by’intangarugero bibere n’abandi urugero.”

“3/3 Mu gihe gito muraza kugezwaho amazina y’abahanwe n’ibihano bahawe. Umuryango wa Kiyovu sport ukaba utazihanganira uwariwe wese watesha agaciro umuntu aho ava akagera by’umwihariko muri sport.

Ibi bikaba bivuze ko bamwe mu bafana ba Kiyovu Sports bamaze gufatirwa ibihano n’akanama ngenzura myitwarire ka FERWAFA”