Kim Kardashian yishyize hanze yambaye imyambaro igaragaza imiterere y’imibiri y’abagore maze aterwa utwatsi na benshi (amafoto)

Kim Kardashian wamenyekanye cyane ku isi yose kubera amafoto atandukanye ndete n’ibitaramo by’imideli yagiye akorera hirya no hino ku isi bigatuma aba ikirangirire, ku munsi w’ejo yatewe utwatsi n’abantu batari bake ubwo yatangazaga ko agiye gushyira hanze imyambaro igaragaza imiterere y’imibiri y’abagore ndetse akanahita atangaza ko azahera ku yo yari yambaye ako kanya ubwo yabitangazaga.

Nkuko tubikesha mtonews, Kim Kardashian akimara gushyira hanze aya mafoto no gutangaza ko agiye gushyira ku isoko iyi myenda yari yambaye yahawe inkwenene n’abantu batari bake ndetse abenshi bahise banamuhamiriza ukuri ko ashobora kuzahomba kuko bavugaga ko iyi myambaro idahesheje agaciro umutegarugori wese waba uyambaye, gusa we ibyo yarabyirengagije ahubwo ahita atangaza ko bidatinze iyi myambaro izaba yageze ku isoko.