Kigali:Abagabo 2 bakoraga akazi ko murugo bakica umukecuru wabakoresha bamuteye ibyuma bakomeje gukurikiranwa

Ubushinjacyaha ku rwego rwisumbuye rwa Nyarugenge ku wa 2 Ugushyingo 2022, rwaregeye urukiko abagabo babiri bashinjwa icyaha cy’ubwicanyi bakoreye mu Karere ka Kicukiro mu Mujyi wa Kigali.

Abaregwa bari mu Mujyi wa Kigali, Akarere ka Kicukiro, Umurenge wa Nyarugunga, Umudugudu wa Nonko.

Ubushinjacyaha bubashinja ko bacuze umugambi wo kwica umukecuru witwa Kabasinga Brigitte baberaga mu rugo banamukorera akazi ko mu rugo. Ngo bamwishe bamuteye ibyuma mu rubavu no mu gatuza agwa mu rugo rwe.

Nkuko bitangazwa uyy mugore amaze kwicwa aba basore bagiye mu nzu ye biba ibihumbi 900 by’amafaranga y’urwanda baratoroka.

Ku muntu wishe undi ku bushake, Iyo abihamijwe n’urukiko, ahanishwa igihano cy’igifungo cya burundu.