Kigali: Umugore wibwe amafaranga arenga miliyoni 4 ari kubyinira ku rukoma

Umugore ukumoka mu gihugu cy’u Bwongereza uri uba mu Rwanda, ari kubyinira ku rukoma nyuma yo gusubizwa amafaranga yari yibwe.

Polisi y’u Rwanda ku bufatanye na RIB basubije umugore ukomoka mu Bwongereza amafaranga ye asaga miliyoni 4 yari yibwe.

Ku wa Gatandatu w’icyumweru gishize nibwo uyu mugore Walker Jemrose Leanora yasubijwe miliyoni 4 n’ibihumbi ijana na cumi (Frw 4,110,000).

Walker yavuze ko ku itariki ya 12 Mata, yabikuje amafaranga akoreshwa mu Bwongereza (ama-Pounds) ibihumbi bitatu (£3000), ayavunja mu mafaranga y’u Rwanda bamuha miliyoni 4.1 ayashyira mu modoka.

Ubwo yari agiye gusuhuza umuntu nibwo imodoka ye abajura bayifunguye aho yari iparitse Downtown mu Mujyi wa Kigali amafaranga yose barayatwara.

Nyuma y’ibyo yatanze ikirego ni uko abayatwaye baza gufatwa ndetse ayasubizwa uko yakabaye.