Kigali: Imodoka yacitse feri igonze abamotari bane

Kuri uyu wa kane nibwo ,Imodoka itwara imizigo yacitse feri igeze mu Kagari ka Kibagabaga, Umurenge wa Kimironko mu Karere ka Gasabo, maze igonga abamotari bane, babiri bahita bapfa.

Iyi mpanuka yabaye ahagana saa Yine n’Igice kuri uyu wa Kane, tariki 21 Nyakanga 2022.

Iyo modoka yari itwaye amabati bivugwa ko yacitse feri irimo kumanuka ituruka mu bice byo ku Bitaro bya Kibagabaga, igonga abantu igeze hasi mu muhanda uva i Kinyinya ugana mu Kabuga ka Nyarutarama nk’uko tubikesha Igihe.