Kigali: coaster ikoze impanuka ikomeye

Mu gitondo cyo kuri uyu wa Gatanu nibwo Mu Murenge wa Nyakabanda mu Karere ka Nyarugenge habereye impanuka y’imodoka yo mu bwoko bwa ‘Toyota coaster’ yahitanye umusore uri mu kigero cy’imyaka 25.

Iyi mpanuka yabaye ahagana saa Kumi n’ebyiri n’igice za mu gitondo cyo kuri uyu wa Gatanu tariki ya 30 Nzeri 2022 ahitwa ku Gasoko.

Abari aho iyi mpanuka yabereye batangaje ko umusaza wari utwaye iyi Coaster yari afite umuvuduko ndetse yagonze uwo mugenzi ubwo yambukaga umuhanda.