HARAGIRIMANA Dieudonne
Umuhanzikazi Mugemana Yvonne uzwi cyane ku mazina y’ubuhanzi nka Queen Cha, uyu akaba ari numwe mu bahanzikazi bakunzwe cyane kubera indirimbo zitandukanye yagiye ahimba zigakundwa na benshi ndetse n’ibitaramo bitandukanye yakoreye hirya no hino bigatuma yigarurira imitima y’abantu benshi akegukana atyo abafana benshi, ku munsi w’ejo yemerewe urukundo na benshi mu bafana be ndetse bamwe banahise bamwerurira bamubwira ko bamukunda cyane. Ni nyuma yuko Queen Cha yari amaze gushyira hanze ifoto imugaragaza mu micyo idasanzwe yanateye benshi mu bafana be kuyivugaho cyane.
Nkuko benshi mu bafana ba Queen Cha babitangaje nyuma yuko ashyize hanze iyi foto ye, bashimye imicyo uyu muhanzikazi agaragaramo ndetse banamwizeza urukundo rudasanzwe muri muzika ye gusa haje kugaragara bamwe mu bafana be bagiye berura bakamubwira ko bamukunda ndetse cyane.
