Kicukiro: Umugore akurikiranweho icyaha cyo guta umwana w’imyaka 9 mu cyobo cya metero 15

Abashinzwe umutekano bataye muri yombi umugore w’imyaka 28 akurikiranyweho guta umwana w’imyaka icyenda (9) yari abereye mu ka se mu cyobo cya metero 15.

Ibi byabaye kuri uyu wa Gatatu taliki 08, Gashyantare, 2023, bibera mu Mudugudu wa Biryogo, Akagari ka Cyimo mu Murenge wa Masaka muri Kicukiro.

Nyuma y’amakuru yatanzwe n’abaturage, yaje gukurwamo ari muzima ariko yavunitse amaguru.

Umuvugizi wa RIB Yagize ati” Yatawe muri yombi, ari mu maboko ya RIB , Sitasiyo ya Masaka, iri gukora inshingano zayo.”

Akomeza avuga ko uwo mwana yatabawe tumaze kumenya amakuru, akorerwa ibizami byose,ubu umwana nta kibazo afite. Igisigaye ni ukumwitaho, ubu ameze neza ariko aracyari mu Bitaro bya Masaka.