Kicukiro: RIB yataye muri yombi Gitifu witwa Ndagijimana Frodouard ukekwaho gusambanya umwana w’umuhungu w’imyaka 15 amwizeza ibitangaza

Umuvugizi w’Urwego rw’Ubugenzacyaha, RIB yabwiye Mama Urwagasabo ko Gitifu w’Umurenge wa Mbogo witwa Ndagijimana Frodouard, yatawe muri yombi.

Akurikiranyweho ibyaha 5 birimo: gusambanya umwana, gusaba cg gukora ishimishamubiri rishingiye ku gitsina, gukoresha ububasha ahabwa n’itegeko mu Nyungu ze Bwite, guhindura amakuru yo muri mudasobwa cg urusobe rwa mudasobwa atabyemerewe, guhimba inyandiko mpimbano.

Umwana wasambanyijwe ni uw’Umuhungu w’imyaka 15.

Yamusambanyije amwizeza ko azamufasha guhindura amazina.

Gitifu ukekwaho gukorera icyo cyaha cyo gusambanya umwana w’umuhungu yabikoreye mu Murenge wa Kicukiro, akarere Kicukiro  akagari ka Gasharu.

Kuri ubu Gitifu afungiye kuri station ya RIB ya Kicukiro mu gihe hagikorwa dosiye ngo ishyikirizwe ubushinjacyaha.